هي سر الحفاظ على الجنس البشري. ولأنها علاقة خاصة جدا فهي مليانة بالأسرار والأسئلة اللي ممكن نكون مبنتكلمش فيها مع المختصين

عشان كده هنتكلم عن اهم اسرار العلاقة الحميمية وأكثر الأسئلة الشائعة عنها...

ليه في فرق في الرغبة بين الزوجين؟

يقال إن الراجل بيفكر في العلاقة الحميمية مرة كل 7 ثواني.. وبرغم إن الرقم فيه مبالغة كبيرة (يعني 8000 مرة خلال 16 ساعة من النشاط اليومي) لكن التجارب العلمية أثبتت أن الرجل بيفكر في الحاجات الأساسية زي الأكل والنوم والعلاقة الزوجية على الأقل ضعف المرأة.

كمان أثبتت الدراسات إن محفزات الرغبة الجنسية عند الزوج أكتر بكتير. لأن مخ الراجل يمكن إثارته بصريا (المحفز الموجود بنسبة أقل بكثير عند الستات) أو حتى ذهنيا (لو فكره خياليه جت على دماغه مثلا). وده بيخلى الزوج أسهل في إثارته من الزوجة. والحكمة في كده إن الراجل أصبح مطالب بإقناع زوجته كل مرة لإثارتها، وده بيزود شعورها بالتقدير والثقة.

ونصيحة للزوج، حاول تحسس زوجتك كل مرة بالمجهود عشان تدخل في مود العلاقة، وممكن تتنازل عن حقك لو الزوجة مش مهيأة في الوقت ده. وللزوجة أنها تحاول تتجاوب أسرع مع رغبات الزوج اللي من الطبيعي انها تكون أكتر منها.

إزاي أعرف إن الزوجة وصلت لمرحلة النشوة الجنسية؟

العلم قسم العلاقة الجنسية لأربع مراحل:

• مرحلة الإثارة: بداية تجهيز الجسم للعلاقة
• مرحلة الاستقرار: حالة الانتصاب الكامل
• مرحلة النشوة: انقباض عضلات البطن والحوض مع إخراج السائل المنوي للرجل
• مرحلة التراجع: عودة الجسم لطبيعته

ومش ضروري للزوجين المرور بجميع المراحل في كل مرة. ممكن جدا الزوجة أو الزوج مبوصلوش لمرحلة النشوة بدون تأثير على الاستمتاع بالعلاقة بالكامل.

كمان نقطة النشوة عند الزوجة بتكون مخفية لأنها غير مصحوبة بأعراض خارجية واضحة زي قذف السائل المنوي.. ونصيحة للزوج، متهتمش كتير بالبحث عن نقطة النشوة وخلي تركيزك مع شريكك. كمان الزوجة مطلوب منها إنها تشارك زوجها لحظات سعادتها أثناء العلاقة لأن ده بيزود من شعور الراجل بتحقيق الهدف من العلاقة وبيعزز ثقته بنفسه.

إيه الطبيعي في معدل العلاقة الزوجية الصحية؟

العلاقة الزوجية في الأساس هي علاقة خاصة بينك وبين شريك حياتك، وبالتالي العلم محددش معدل طبيعي أو صحي لتكرار العلاقة. الطبيعي والصحي هو اللي تتفقوا عليه إنتوا الاثنين وبس. وبالتالي التواصل بين الشريكين هو أساس نجاح العلاقة طويلة الأجل، لازم تتفاهموا بخصوص رغباتكم ويكون في جزء من التنازل من كل طرف لضبط المعدل المناسب ليكم أنتوا الاتنين.

هل الإكثار من العلاقة الزوجية مضر بالصحة؟

بالعكس تماما.. العلم والدراسات أثبتت مجموعة كبيرة من الفوائد على الصحة العامة للزوجين من ممارسة العلاقة والوصول لمرحلة النشوة من مرتين لثلاثة مرات أسبوعيا.. ودول أهم 8 فوائد العلاقة الحميمية على الجسم:

1.      يقوي المناعة: في تجربة مثيرة للاهتمام اتنشرت سنة 2021 على 16,000 حالة من 33 بلد مختلفة، كان الحالات اللي بتمارس العلاقة الحميمية بانتظام على الأقل 3 مرات كل شهر أقل عرضة للعدوى بفيروس كورونا وكمان أقل في حدة الأعراض في حالة الإصابة

2.      يقلل ضغط الدم: في دراسة اتعملت في جامعة جورجيا وجد إن العلاقات المنتظمة بتقلل ضغط الدم بنسبة 13% وعلى حسب وصف الدراسة النسبة دي ممكن تكون زي بعض الأدوية

3.      يقلل الإصابة بالسكتات القلبية: في تجربة اتعملت على مرضى الذبحات القلبية بعد العلاج الجراحي والعلاقة بين معدل الوفيات والعلاقة المنتظمة (مرة كل أسبوع) النتيجة كانت وجود علاقة عكسية بين الانتظام في العلاقة والوفيات.

4.      مضاد طبيعي للألم: نتيجة للهرمونات الطبيعية اللى بيفرزها المخ خلال مراحل العلاقة المختلفة، وخصوصا النشوة، يعتبر الجنس مضاد طبيعي للألم

5.      يحسن النوم: الوصول للنشوة بيحفز هرمونات زي الفاسوبريسين اللي بتحسن جودة النوم، وده اللي أثبتته الدراسات العلمية

6.      يحسن الحالة المزاجية: المستقبلات العصبية اللي بيفرزها المخ هي العلاج الأول للأمراض النفسية زي الاكتئاب والتوتر والقلق. وبالتالي مع زيادة إفرازات الدوبامين والسيروتونين بتتحسن الحالة المزاجية وبيزول القلق والتوتر

7.      بحمى من السلس البولي عند السيدات: مرض السلس البولي يصيب على الأقل 30% من السيدات في أحد مراحل عمرهم. لكن العلاقات المنتظمة والوصول للنشوة بشكل طبيعي يساعد على تقوية عضلات الحوض اللي بدورها بتحمي من السلس البولي

8.      يقلل خطر الإصابة بسرطان البروستاتا: في تجربة علمية على علاقة معدل مرات القذف والإصابة بسرطان البروستاتا، كانت النتيجة إن الرجال اللي بيوصلوا للقذف 21 مرة كل شهر نسبة إصابتهم أقل. لكن ده ميقللش خطر الإصابة لأسباب تانية زي التدخين أو الأكل الغير صحي.

الخلاصة: العلاقة الزوجية في الأساس هي سيمفونية بين الزوجين بتناغم فيها الأعضاء الحميمية مع المخ لتحفيز السعادة بينهما. لكن العلاقة مش بس بتحفز هرمونات السعادة والحميمية، دي كمان بتعود على الصحة بفوائد كتير، والأهم إنها مصدر الحفاظ على الجنس البشرى.

منتجات ذات صلة:

انتظروا المقال القادم: أسباب تقلل الاستمتاع بالعلاقة الحميمية

المصادر:

تفاعل المخ مع العلاقة الحميمية: إطلع على المصدر

العلاقة الحميمية تقوي المناعة: إطلع على المصدر

العلاقات المنتظمة تقلل ضغط الدم: إطلع على المصدر

العلاقة الحميمية تحسن من جودة النوم: إطلع على المصدر

العلاقة الحميمية سبب محتمل للوقاية من سرطان البروستاتا: إطلع على المصدر