تعرفي إن 70% من الستات في فتره البحث عن الحمل بيعانوا من الجفاف المهبلي.. لكن إيه أسباب النسبة العالية جدا.. خصوصا ان الاسباب المتعلقة بالسن مش موجودة.. السؤال الأهم، إيه تأثير الجفاف المهبلي على حياتك الزوجية، والأهم.. على خصوبتك وقدرتك على الحمل؟
هنتكلم عن الجفاف المهبلي في مرحلة البحث عن الحمل.. أسبابه وعلاجه. وكمان هنجاوب على سؤال مهم.. إيه علاقة الجفاف المهبلي بالعقم؟
الأسباب:
- التوتر والضغط العصبي: المخ هو أهم عضو في الجهاز التناسلي.. وده لانه بيفرز الهرمونات المسؤولة عن العلاقة الزوجية.. وفى حالة التوتر اللي سببها الرغبة الشديدة في الحمل، نسبة هرمونات الرغبة بتقل. كمان الجسم بيقلل الدم في المناطق الحميمية كنوع من الاستجابة للضغط العصبي والتوتر. كل العوامل دي تؤدي لضعف إفراز السوائل الطبيعية المرطبة للمهبل وبتسبب جفاف مهبلي
- عدم اكتمال المداعبة: العملية الجنسية عملية كاملة بتبدأ قبل الإيلاج بفترة من اول تهيئه الزوجة للعلاقة والمداعبة اللي بيكون لهم دور كبير في ترطيب منطقة الإيلاج وأي تقصير من الزوج بيخلي الافرازات تقل وده اللي بيسبب الجفاف المهبلي اللي بدوره يؤدي لآلام اثناء الجماع
- بعض الأدوية: أدويه زي منشطات التبويض عن طريق الفم واللي من أعراضها الجانبية الجفاف المهبلي كمان أدوية العلاج الكيماوي للسرطان بتقلل إفراز الاستروجين وبتأثر على المهبل
- الدش المهبلي: في الغالب انتي سمعتي أكثر من نصيحة موثوقة باستخدام الدش المهبلي بعد العلاقة الحميمية، مين يقدر ينكر أهمية النظافة الشخصية وخصوصا بعد العلاقة الحميمية واستقبال السائل المنوي.
لكن اللي بيعمله الدش المهبلي في المناطق الحميمية هو إنه بيدمر بيئة المهبل. وبرغم الإحساس بالنظافة بعد استخدام الدش مباشرة، لكن بعد أيام قليلة من استخدامه بتفقد أنسجة المهبل خط دفاعها الأول ضد البكتيريا الضارة وتبدأ مرحلة الالتهابات والروائح الكريهة.
وعلشان كده.. هيئة الغذاء والدواء الأمريكية بتحذر بشدة من إستخدام الدش داخل المهبل. لكن للحفاظ على المناطق الحميمية يفضل الماء فقط أو الغسول المهبلي بشرط أن يكون متعادل الحموضة.
الجفاف المهبلي والخصوبة.. الحقيقة إيه؟
عشان نعرف الإجابة لازم نسأل نفسنا ايه دور الافرازات في الحمل؟
في البداية لازم نعرف ان بيئة المهبل بطبيعتها معادية للحيوان المنوي وان البيئة بتتغير في اوقات معينه عشان تستقبل الحيوانات المنوية وتسهل رحلتها ومفتاح تغير البيئة بيكون في الأساس هو إفرازات عنق الرحم..
قبل أو بعد التبويض, إفرازات عنق الرحم بتكون حمضية و بتقتل الحيوانات المنوية, لكن طبيعة الإفرازات بتتغير وبتبقي متعادلة (pH 7.4) في فترة الخصوبة. كمان الافرازات دي بتكون غنيه بعناصر زي الكالسيوم والبوتاسيوم اللي ببحتاجها الحيوان المنوي في بداية رحلته. كل دي عوامل بتتجمع علشان تساعد الحيوان المنوي في رحلته الطويلة للإخصاب.
بالتالي الجفاف المهبلي اللي بيكون سببه قلة إفرازات عنق الرحم بيحرم الحيوانات المنوية من البيئة المناسبة لنشاطها. لكن كمان تأثيره على الرغبة في العلاقة الجنسية بيكون أشبه بحلقة مفرغة صعب الخروج منها.
العلاج
المزلقات الحميمية الداعمة للخصوبة
المزلق الحميمي دوره الأساسي هو ترطيب منطقة الإيلاج بماده لزجه لكن هل أي مزلق حميمي ينفع نستخدمه في رحلة البحث عن الحمل؟
في الحقيقة لا.. لان المزلق الحميمي العادي بيبطئ حركة الحيوانات المنوية. بعض المزلقات اللي بتنتجها شركات عالمية ملتزمة بمعايير الجودة بتكتب تحذير ان المزلق لا يصلح للأزواج الراغبين في الإنجاب.
طيب ايه مواصفات المزلق الحميمي اللي ينفع للأزواج الراغبين في الإنجاب؟
- لازم يكون متعادل الحموضة (pH:7-7.4) لان هي دي درجة حموضة السائل المنوي واللي الحيوان المنوي يقدر يعيش فيها
- لازم يكون متعادل الملوحة لان خليه الحيوان المنوي بتحتاج درجه ملوحة مظبوطة عشان تعيش فيها
والحيوان المنوي بيحتاج لتنشيطه على أكثر من عنصر معظمهم بيكون موجود في السائل المنوي نفسه. لكن بعض العناصر المهمة يتكون موجودة في إفرازات عنق الرحم وأهمها، الأيونات المنشطه للحيوانات المنوية. فلو المزلق الحميمي بيوفر أيونات الكالسيوم والماغنيسيوم فدي نقطه اضافيه لاختيار المزلق الحميمي.
الخلاصة:
الجفاف المهبلي عدو خفي للعلاقة الحميمية، لكن كمان هو عدو للخصوبة. 3 من كل 4 زوجات بيدوروا علي حمل بيعانوا في صمت من ألام الجماع اللي مش بس بتمنعهم عن الاستمتاع بالعلاقة الحميمية، لكن كمان بتقلل قدرتهم على الحمل وبتدخلهم في دائرة مفرغة من التوتر والضغط.
والحل.. مزلق حميمي، لكن مش أي مزلق حميمي ينفع. لازم مزلق حميمي بمواصفات خاصة يساعد الحيوانات المنوية على الاخصاب.
منتجات ذات صلة:
انتظري المقال القادم: الإفرازات المهبلية الطبيعية والمضرة.
المصادر:
نسبة انتشار الجفاف المهبلي في مرحلة البحث عن الحمل: اطلعي على المصدر
الجفاف المهبلي.. خطر صامت: اطلعي على المصدر
تحذير من إستخدام الدش المهبلي: اطلعي على المصدر